Log In
EtnaSnow Academy

L’uttima chiamata

L’uttima chiamata, o intra o fora.

 

Avi cicca nmisi ca non ni liggemu, d’altronde cava scriviri, na stagione invernale ca stagione non è, Gennaio ca pareva Aprile, schifo assolutu.

L’uttima chiamata, non c’è na frasi megghiu pi spiegari chiddu ca putissi succeriri, sempri su succeri, picchi carusi, astannu a ghiutu tuttu stottu, stasira nesci o cimina l’uttima discesa e nuatri inveci oggi scrivemu di l’uttima chiamata.

Stu uikend è chiddu di intra o fora, sempri secunnu mia, o caca nivi o finiu,ma ciccamu di capiri chi po succeriri.

Dopo tante, tantissimi pettubazioni atlantiche è a vota di na possibile pettubazioni nodd africana ca avissi a mpattari na Sicilia orientale a pattiti da iunnata di dumani, l’uttimi aggionnamenti non su fantasmagorici comu chiddi di quacchi ghionnu fa, ma quacchi cm di nivi giusta l’avissumu aviriri stavota.

In base a chiddu ca cala ci putissuru essiri i condizioni giusti pi rapiri sti benedetti impianti in modo di fari pattiri sta stagione sciistica, quannu putissuru rapiri ovviamente ancora no putemu sapiri, tuttu dipende da nivi e dai giusti meccanismi meteo, 20, 30, 40cm, non sugnu chiddu ca spara numeri, pigghiamu pi bonu u fattu ca potta nivi e ca putissi essiri a vota bona.

Ci semu a livello di temperaturi, ci semu a livello di nivi a quota impianti, ci semu pi tuttu, da dumani taliamu sti benedetti webcam e ciccamu di capiri chi po fari.

Iu po si e po no astavota mi staiu abbissannu tuttu cosi, su sta passata di malutempu non è fangusa s’acchiana, su non ci nesci nenti a putemu abbiari amoddu astannu, stamu ennu vessu a primavera, semu già in ritardo, i iunnati allongunu e i baddi furrianu, quindi comu rissi all’inizio, o intra o fora.

Speriamo di scriviri quacchi cosa a prossima simana, sivvissi quacchi autra calata di malutempu, viremu.

Vi vogghiu ca saluti, vae vistu.

Vi piaci feisbuk? alluccatini supra Feisbuk

Vi piaciunu i fofocrafii? alluccatini supra Instagram

Vi piaciunu i twitt? alluccatini supra Twitter

Non vi piaciunu i social ma aviti telegram? Alluccatini no nostru canale Telegram

Lascia un commento

Tagged under:

Iscriviti alla newsletter

Log In or Create an account